Amasyalıdır. Meşâyih-i kirâm-ı Hâlvetiyye’den Muhyiddîn Mehmed Efendi bin eş-Şeyh Hayreddîn Hızır Îcâdî Efendi’nin mahdûmudur. Buna Hayreddîn Hızır Efendi de denir. Pederinden tahsîl-i ulûm ve tekmîl-i sulûk ederek câmi-i Enderûn vâ’izi ve Mahmûd Çelebi Tekkesi şeyhi oldu.

Kırk yıl kadar halka vaaz u nasîhat ederek onları tarîk-i müstakîme irşâd ile iştigâl etdi. Zühd ü takvâsıyla halk ve a’yânın ve ulemânın muhabbet ve itikâdını kazanıb 1063 senesi rebîülevvelinde dâr-ı naîme irtihâl eyledi. Âlim, zâhid, fakîh, vâiz, âbid, vecîh, mahbûb-ı kulûb bir zât-ı sütûde-simât idi. Mahdûmları Abdurrahmân, Abdullatîf Efendilerdir.