Amasya züamâsından Şâhin Bey’in oğludur. Sipâhi olup hidemât-ı harbiyede liyakâtı görüldüğünden Çorum kethüdâ-yeri, ba’dehû oranının mütesellimi oldu. Sonra tefeyyüz ederek dergâh-ı âlî kapıcı-başılarından, 1069’da Kıblelizâde Mustafa Paşa’nın kethüdâsı ve Sivas mütesellimi [57]oldu.
Vali Mustafa Paşa’nın gerek Sivas’da ve gerek mülhakâtında irtikâb etdiği i’tisâfkârâne harekâtından bu da mes’ûl olup 1071’de her ikisi de azl ve Amasya Kal’ası zindanında habs edildi. Ancak 1072 senesi muharreminde vâlî-i müşârün-ileyhin affına binâen her ikisi kurtuldu.
Mustafa Paşa İstanbul’a vusûlünde Sadr-ı a’zam Köprülü Mehmed Paşa bacanağı olduğundan vezâretle kubbe-nîşîn olup sâhib-i tercemeyi kethüdâlığında ibkâ etdi. 1073’de Şam vâlîsi olan paşasıyla beraber harbe gidip 1074’de her ikisi de mecrûhen vefât etdi. Cesûr, müdebbir idi. Mahdûmu Şâhin Bey’dir.