Amasya eşrâfından Gülâbî Bey bin Ahmed Bey bin Gülâbî Paşa mahdûmudur. Amasya’da ceddînin binâ eylediği Gülâbî Paşa Zâviyesi vakfına mütevellî olup 1070 hudûdunda vefât etdi. Kibâr-ı a’yândan hânedân bir zât idi. Yeniçeri zâbitânından, “Paşa” demekle meşhûr altıncı Hüseyin Ağa bin Enbiyâ da Amasya serdârı olup 1067’de mütekâid ve 1071 hudûdunda vefât etdi. Diğer Yörgüç Paşazâde Hüseyin Bey de Amasya mütesellimi Hakalacı Mustafa Bey’in mahdûmu olup pederinin vefâtında ceddi vakfına mütevellî olduğu halde 1073 senesi evâilinde vefât etdi. Birâderi Mehmed Bey mütevellî oldu. Bunlar da a’yândan idiler.