Amasyalıdır. “Küçük Hâce” demekle meşhûr fuzalâdan [126] Kâdızâde Mehmed İlmî Efendi bin Mustafa Efendi’nin mahdûmudur. Pederinden ve Yağmurköylü İsmâ’îl ve Gürcü İmâm el-Hâc Hâfız Hasan Efendilerden ikmâl-i tahsîl edib ders-i âm ve Hâfız Hasan Efendi’ye dâmâd oldu.
Otuz yıl kadar tedrîs-i ulûm ederek fevka’l-âde iştihâr edib Amasya medreselerinin çoğuna müderris oldu. Bu sûretle devr-i medâris ederek 1061’de Hâtuniyye-i Tokat müderrisi olduğu hâlde 1063 senesi zilhiccesinde vefât etdi.
Fâzıl, muhakkik, ulûm-ı edebiyyede mâhir, elsine-i selâsede tanzîm-i eş’âra kâdir, şâir, belîğ idi. Hayli eş’ârı ve hâssaten Amasya’da Sultân Murâd’a takdîm etdiği kasîdesi elde edilmişdi. Ma’alesef yandı. Mahdûmları şu’arâdan Şevkî Mehmed Efendi ile Şeyhü’l-kurrâ Hâfız Abdurrahmân Efendi’dir. Bunun mahdûmu el-Hâc Hasan Efendi de ulemâdan idi.