Amasya ümerâsından Mecdeddîn İsa Bey’in mahdûmu ve sadr-ı esbak Bâyezîd Paşa bin Yahşi Bey’in amcasıdır. Buna “Sunguroğlu” da denirdi. Çelebi Sultân Mehmed Hân’ın vâliliğinde ma’iyyet-i ümerâsından olup Timur harbinde isbât-ı vücûd etdi.
Ba’dehû Amasya’da hükûmet etdiği esnâda Çorumlu ve Tokat sancaklarında emîr ve biraz müddet Ankara Beyi de oldu. Harekâtı muvafık görülmediğinden 815’de azl ve tekâüd edilip 825’de vefât etdi. Kibâr-ı ümerâdan idi. [84]