Amasyalıdır. Enderûn Câmii İmâmı el-Hâc Ömer Efendi bin el-Hâc Osmân Ağa bin Tamgacı el-Hâc Ahmed Ağa’nın oğludur. Pederinin vefâtında câmi-i mezkûrun imâmeti uhdesine tevcîh edilip İçerişehir eşrâfından oldu.
1241’de meclis-i hâcıyân a’zâsı iken yeniçeri gayret-keşlerinden olduğu ba’zı ahvâlinden anlaşılmağla ocağın ve yeniçeriliğin Amasya’dan ref’i hakkında teşekkül eden meclise da’vet edilmedi. Vak’adan sonra hayli zamân a’zâlıktan mahrûm oldu. 1257’de meclis-i idâre a’zâsı olup sonra vefât etdi. Mahdûmu Mehmed Efendi’dir. Eşrâf-ı memleketten hânedân bir zât idi. [171]