[125] Amasyalıdır. Esbak Bostancı-başı Amasyalı Kalaycı Halîl Ağazâde el-Hâc Ömer Ağa’nın oğludur. Pederinin vefâtında birâderi el-Hâc Abdullah Efendi ile yetîm olup vasiyy-i muhtâr olan Amasya müftüsü Kâşif el-Hâc Mehmed Efendi’nin taht-ı vesâyetinde büyüdü.
1188’de vasiyy-i müşârün-ileyhin şehâdetinde enderûn-ı hümâyûna alındı. Orada tahsîl ü terbiye görüp silahdâr-ı şehriyârî Lâdikli es-Seyyid Abdullah Ağa’nın himâyesiyle Dülbend ağalığına kadar terakkî etdi.
1210 senesi muharreminde es-Seyyid Abdullah Ağa’nın azlinde Bâyezîd Paşa tevliyetiyle çırâğ edilip Amasya’ya gönderildi. 1218’de âzim-i Hicâz olup avdetde meclis-i a’yâna a’zâ olarak 1236 hudûdunda vefât etdi. Çeri-başı Mahallesi eşrâfından [126]bir hânedân idi.