Amasyalıdır. Sultân Bâyezîd hâfız-ı kütübü ve Amasya müftüsü Musliheddîn Mûsa Çelebi bin Mûsa Çelebi bin Bâyezîd Çelebi bin [172] eş-Şeyh İmâd’ın mahdûmudur. Pederinden ahz-ı ulûm ederek ders-i âm ve irtihâlinde Sultân Bâyezîd kütübhânesi hâfız-ı kütübü oldu.

Ba’dehû Hızır Paşa müderrisi olup tedrîs-i ulûma bezl-i himmet ederek Hüseyniye müderrisliğine ta’yîn edildi. Buradan livâlara kâdı olup 958’de Trabzon kâdısı görüldü. Ba’dehû Halfet Gâzi medresesiyle ihtiyâr-ı tekâ’üd edib 970’te vefât etdi. Pederinin yanında medfûndur. Kibâr-ı kudâttan idi.