Amasyalı Ca’fer oğludur. Yeniçeri olup eşkiyâ muhârebelerinde ibrâz-ı şecâ’at ederek iştihâr edib odabaşılıktan Amasya serdârı oldu. 1017’de eşkiyânın istîsâlinde yararlıklar gösterdiğinden Sadr-ı a’zam Kuyucu Murâd Paşa’nın mazhar-ı takdîri olarak İstanbul’a gitdi.
Orada terakkî ederek bölük ağası 1028’de yeniçeri ocağında silahdâr ağası oldu. 1031 senesi recebinde zuhûr eden vak’a-i Osmâniyyede, Amasya’ya i’zâm edilip Abaza Mehmed Paşa’nın isyânında ibrâz-ı hizmetle memdûhen 1036’da vefât etdi. Şecî’, ehl-i hizmet idi.
Oğulları Mehmed, Ca’fer Ağalara “Kara Hasan oğulları” dendi. Ca’fer Ağa 1041’de bilâ-veled vefât edib Mehmed Ağa’nın oğulları Hasan Ağa ile Zor Mustafa Paşa’dır. Hasan Ağa’nın evlâdı Kara Hasanzâdeliğini muhafaza edib bunlardan Îcâd Mustafa Ağa 1241’de maktûlen vefât etdi. Bunun hafîdi Şefîk Mehmed Efendi’dir. [389]