Amasyalıdır. Gümüşlüzâde hânedânından Ahmed Çelebi bin Abdurrahmân Efendi bin eş-Şeyh Üveys el-Halvetî mahdûmudur. Ulemâdan tahsîl-i ulûm ederek eş-Şeyh Mehmed Halvetî hizmetinde tefeyyüz edib Ya’kûb Paşa zâviyesi şeyhi ve mütevellîsi oldu.
Bir müddet sonra meşîhat ve tevliyetten azl edilip 1027’de sânîyen şeyh ve mütevellî oldu. 1031’de sânîyen azl edilip 1034’de sâlisen şeyh ve mütevellî oldu. Bu def’âsında sâbit-kadem olup Gümüşlüzâde câmii vâ’izi olarak va’z ü tezkîr ile iştigâl etdiği hâlde 1043 senesi evâsıtında vefât etdi. Âlim, sâlih, vâ’iz idi. Mahdûmu Mustafa, Şemseddîn Ahmed Efendilerdir.