Amasyalıdır. Mehmed Paşa Câmii imâmı ve hatîbi olan Hâfız Halîl Mecdi Efendi’nin mahdûmu ve Müşîr Hüseyin Fevzi Paşa’nın dayızâdesidir. 1270’de Amasya’da doğdu. Mekteb-i rüşdiyede fünûn-ı lâzimeyi tahsîl edib Kuleli İdâdi-i Askeriyesine ve bâ’dehû Harbiye mektebine girdi.
1294’de mülâzım-ı sânî olarak neş’et edib Harbiye [202] Nezâreti piyâde dâ’iresine me’mûr oldu. 1297’de mülâzım-ı evvel olup Hüseyin Fevzi Paşa’nın müşîr olduğu beşinci orduya me’mûren Şam’a gitdi.
Fakat Paşayı kendisinden memnûn edemediği cihetle 1300’de yüzbaşı olarak İstanbul’a avdet edib yine piyâde dâiresine me’mûr oldu. 1308’de binbaşı ve üçüncü piyâde dâiresi müdür muâvini ve 1313’de kâ’im-makâm ve bâ’dehû şube-i mezkûre müdîri ve 1317’de mîr-âlây oldu.
1326’da i’lân-ı meşrûtiyeti müte’âkib bâb-ı ser-âskerîde icrâ’ edilen teşkilât-ı askeriyeden dolayı taşra gönderildi. Bâ’dehû tekâüde sevk edilib Üsküdar’da mukîm olduğu halde 1333’de vefât etdiği haber verildi. Edîb, halîm idi.