Amasyalıdır. “Çakal Kadı” demekle meşhûr el-Hâc Bedreddîn Mahmûd Çelebi bin Alâeddîn Ali Çelebi bin el-Hâc Bedreddîn Mahmûd Çelebi bin kadı’l-kudât Mü’eyyideddîn Mehmed Çelebi bin sadr-ı muvakkar İmâdeddîn Ömer Çelebi mahdûmudur. Ceddi İçerişehir’de zâviye bânîsi olan el-Hâc Mahmûd Çelebi’dir. [429]
Amasya’da meşâhîr-i ulemâdan tahsîl-i ulûm ederek müderris ve Şehzâde Sultân Ahmed’e musâhib olduğundan 918 vak’asında düçâr-ı nikbet oldu. Ba’dehû afv edilip kasabât u bilâda kadı olarak 934’de vefât etdi. Pederi mesleğinde ulemâdan edîb, latîfe-gû bir zât idi. Oğulları Mehmed, Ali Çelebilerdir. Ali Çelebizâde el-Hâc Mahmûd Çelebi de ma’rûftur.