Amasyalıdır. Gümüşlüzâde Ahmed Paşa’nın ahfâd-ı kirâmından Abdül Bey’in mahdûmudur. Amasya vâlîsi Şehzâde Sultân Ahmed’in dîvân kâtiblerinden iken muharrir-i vilâyet-i Rûmiyye oldu. 918’de ma’zûl olup sonra Sivas defterdârı oldu.
Ba’dehû mîrlivâ olup Rûmeli muhârebâtına iştirâk ederek 938’de Semendire beyi görüldü. 945 senesi hudûdunda vefât etdi. Kibâr-ı ümerâdan olup mahdûmu Ali Bey ve birâderi Hüsâm Bey’dir.