Amasyalıdır. Mustafa mahdûmu olup müderris-i meşhûr fâzıl Abdî-i Amasî’den ikmâl-i tahsîl ederek ders-i âm ve müderrisi be-nâm oldu. 915’de Havza’da Fîrûz Ağa Medresesi müderrisi ve Havza müftüsü ba’dehû kadısı oldu.

926’da Hakala’da Kâsım Bey Medresesi müderrisi olup orada ikâmet etdi. 931’de Merzifon kadısı olup 933 sâlinden sonra vefât eyledi. Meşâhîr-i ulemâ ve kudâtdan idi. Mahdûmu Musliheddîn Çelebi’dir. Bu da ulemâ ve kudâtdan idi.