Amasyalıdır. Ümerâdan olup Varna muhârebesinde şehîden vefât eden Hızır Bey bin Yörgüç Paşa’nın mahdûmudur. Ceddinin hayâtında ze’âmete nâ’il olup Fâtih Sultân [350] Mehmed Hân Amasya vâlîsi iken ma’iyyetine girdi. 855’de cülûs-ı hümâyûnunda ümerâdan olup 857’de Filibe beyi olarak İstanbul fethine iştirâk etdi.
860’ta Sırp muhârebesinde ibrâz-ı liyâkat eylediğinden Silistre beyi 864’de Rûmeli Beylerbeyi oldu. Ba’dehû Anadolu Beylerbeyi olup 873’de Amasya vilâyeti muhâfızı olarak Sultân Bâyezîd’in ma’iyyetine me’mûren geldi.
886’da Sultân Bâyezîd’in cülûsunda Amasya vâlîsi olan şehzâdesi Sultân Ahmed’in lalası ve müdebbir-i umûru oldu. 889’da Hızır Paşazâde Mehmed Paşa’nın şehzâdeye lala olarak Amasya’ya geldiği esnâda Semendire Beylerbeyi olup Rûmeli’ne gitdi. 896’da orada vefât etdi. Şecî’, müdebbir, sâdık idi.